Just@hum@n
اهلاوى جااااااااااااااااامد
عدد المساهمات : 108
تاريخ التسجيل : 23/04/2011
العمر : 33
الموقع : يعنى لو عرفت هتيجى تزورنى؟؟؟
 | موضوع: احسبها صح تعيشها صح  الأحد مايو 01, 2011 1:44 am | |
|
مفيش حاجة واجعه قلبى ومسببالى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة
تحسبها صح .... تعيشها صح ..
مستفزززززز جدا ....
واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!!
يا سلااااااام!! طب إيه العلاقه؟؟؟!! ....
وواحد تاني بيوفر فى استهلاك الكهرباء واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!!
وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!!
وطبعا فى الاخر الجملة الاكثر استفزاززززززززز فى المجرة الارضية متعديش حتى على الهنود
( على فكرة احلى تحية للهنود بتوع النووى )
..... احسبها صح ... تعيشها صح ....
وعليه...... خدوا عندكم بقا.... هِيّا جت عليّا انا يعنى ؟؟؟!! ...
توتى وفر فى فلوس المخدرات بتاعته وجاب عربية هامر جديده !!
تحسبها صح .... تعيشها صح
نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !!
تحسبها صح .... تعيشها صح
سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
تحسبها صح .... تعيشها صح
حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!
تحسبها صح .... تعيشها صح
عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!
تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!
تحسبها صح .... تعيشها صح
صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح
طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !!
تحسبها صح .... تعيشها صح
نداء الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان ده
أو وفرولنا أدوية مكافحة الحمووووووضة
ملطووووووووووشة
بس اوعوا توفروا الردود عشان تروحوا مارينا
| |
|
dina
الترا اهلاوى
عدد المساهمات : 4106
تاريخ التسجيل : 09/08/2008
| | موضوع: رد: احسبها صح تعيشها صح الأحد مايو 01, 2011 2:00 am | |
| معظم اللاعلانات سخيفه جدا | |
|
Just@hum@n
اهلاوى جااااااااااااااااامد
عدد المساهمات : 108
تاريخ التسجيل : 23/04/2011
العمر : 33
الموقع : يعنى لو عرفت هتيجى تزورنى؟؟؟
| | موضوع: رد: احسبها صح تعيشها صح الأحد مايو 01, 2011 2:45 pm | |
| زى الاعلان دا مش كدا
ههههههههههههههههه | |
|
ahmedelsaeed
Admin
عدد المساهمات : 5508
تاريخ التسجيل : 04/08/2008
العمر : 36
| | موضوع: رد: احسبها صح تعيشها صح الأحد مايو 01, 2011 2:47 pm | |
| | |
|
هشام اهلاوي
الترا اهلاوى
عدد المساهمات : 14352
تاريخ التسجيل : 20/02/2009
العمر : 72
| | موضوع: رد: احسبها صح تعيشها صح الأحد مايو 01, 2011 3:01 pm | |
| - ahmedelsaeed كتب:
- استرجل و اشرب بريل
ماكنش حد غلب هههههههههههههههههههههههههههههههههههههه | |
|
